शान्तिको संकेत लिएर आउ
मेरा गीत गजलहरुमा छन्द भरेर आउ ।
धारिला ती गाजलु नयनहरु बन्द गरेर आउ ।।
उडाउला नि बतासले सुनकेशरी जस्तो तिम्रो केश
अविश्वासका हुरी चलिरहेछ यहाँ, मन्द गतिमा आउ ।
धुन बनेर, जुन बनेर जसरी आए पनि सुहाउँछ तिमीलाई
तैपनि सवैको नजरमा कुनै खास पसन्द भएर आउ ।
होस गर्नु है यहाँ आफ्नै छाँयाहरु दुश्मन छन् नि
भलाकुसारी गरी द्वन्द होइन, शान्तिको संकेत लिएर आउ ।
विकास, साउदी अरेवियाबाट