साउदी आरामकोमा काम गर्ने कन्ट्राक्टर नेपालीहरु
साउदी अरेवियामा कार्यरत लाखौ नेपालीहरुमध्ये प्रतिशतमा गणना नआउने नेपाली जो साउदी अरेवियाका विभिन्न प्रोजेक्ट अन्तर्गत रहेर Administration Field मा साउदी आरामकोका लागि काम गर्दछन् ।

Riyadh Refinery

वास्तवमा कन्ट्राक्टर कामदार भनेको साउदी अरेवियामा अरु कुनै सानातिना कम्पनी भएर साउदी अरव भित्रिने कामदारहरु हुन् जसलाई कम्पनीले ठूला कम्पनीहरुमा हायरमा पठाउने गर्दछ। साउदी अरवमा ग्याँस र तेलका कुवाहरुको संख्या वृहत हुनु तथा प्राय सवै कार्यहरु तिनै ग्याँस र तेलका कुवाहरुमा हुने भएकोले साउदी आरामकोमा सानातिना कम्पनीले आफ्ना कामदारहरुलाई हायरमा दिने गर्दछ । वास्तवमा ति कामदारहरु नै कन्ट्राक्टर इम्पोलीहरु हुन् । साना कम्पनीमा भित्रिएर पनि विश्वको स्टाण्डर कम्पनी साउदी आरामकोमा काम गर्ने अवसर थोरै नेपालीहरुले अफिसियलरुपमा पाएका छन् यो अवसर नेपाल र नेपालीको लागि ज्यादै नै गौरवको कुरा हो । तर पनि यहाँ भित्रिने प्राय कामदारहरु ट्रेड भनिएर पनि लेवर भिसामा भित्रनेको संख्या निकै छ । अवको पहल भनेको श्री ५ को सरकारले साउदी अरेविया भित्र भित्रने ट्रेडका कामदारहरुलाई ट्रेडको नै भिसामा पठाउन संझौता गर्न सके नेपालीहरुको योग्यताको कदर हुने थियो साथै आर्थिक मेरुदण्ड पनि सुदृढ हुँदै जाने थियो ।

साउदी आरामकोमा काम गर्ने हरेकले व्यक्ति पिच्छे एउटा कम्प्युटर, एक सेट टेलिफोन, एउटा स्क्यानर साथमा प्रिन्टर, फोटोकपी मेसिन कार्य सहजताको लागि पाउने गर्दछन् । इन्ट्रानेटबाट सवै र्फम तथा निवेदनहरु अनलाइन मार्फत भरिने गरिन्छ । प्राय सवै र्फमहरु अनलाइनबाट नै अप्रुभ गरिने गरिन्छन् भने केहिलाइ भने अनलाइनबाट हार्ड कपीमा कन्भर्ट गरी अप्रुभ गरिने गरिन्छन् पनि ।

Resham B.Thapa Kshetri, Admin Asst. for Contractor Company ArabianFal

हरेकको लागि सूचना आदानप्रदानको लागि आउटलुक इमेल, इन्ट्रानेटको सुविधा पनि छ । हरेकलाई आई टि बाट एउटा लगन र पासवर्ड उपलव्ध सम्बन्धित Department को अनुरोधमा अथवा एप्रोभलमा प्रदान गरिने नियम छ । यसो त नेपालीहरुले इन्टरनेट र आरामको इमेल पनि पाउने गर्दछन् । त्यसको लागि भने म्यानेजरद्धारा अप्रुभ हुनु जरुरी छ । नेपालीहरु यिनै आउट लुकको थ्रु भएर विहानै देखि एकआपसमा गुड मनिङ वाँड्ने गर्दछन् । कतिपय दिनहरुमा कवितामा गुड मनिङदेखि वाइ वाइ सम्म पनि शेयर गर्ने गर्दछन भने देशको परिवेशसंगै जोडिएर कविता तथा गजलहरुमा भाव विव्हल हुने गर्दछन् पनि । विनित आज यस्तो कविता मेरा नेता साथी शीर्षकमा लेख्नुहुन्छ

मेरो नेता साथी

बडो कष्ट पछि आज, जब कुर्ची हात लाग्यो ।
अघि-पछि दाँया-वाँया, चम्चेको जमात लाग्यो ।।

भोट माग्दा हिजो अस्ति, खुट्टा सम्म ढोग्दै थियौ,
सत्ता जित्या भोलिपल्टै, जनताको भात लाग्यो ।

के के नै गर्छुभन्थ्यौ फुस्रा भाषण के काम जब,
राजश्व र भन्सार सबै, अल्मारीमा खात लाग्यो ।

मक्किएका चप्पल हुन्थे, खुट्टाहरु पैदल हिन्थे,
पजेरोमा चड्यौ अनि, सम्पतिको मात लाग्यो ।

तातो पानी तताएर, नुन राखेर खोले खान्थ्यौ,
बोतलबाटै तान्न थाल्यौ, अनि दिउँसै रात लाग्यो ।

हेर्दा हेर्दै कलियुगको कृष्ण-लिला अन्त्य भयो,
तिम्रा पनि दिन आए, दशा साँडे-सात लाग्यो ।

भष्ट्राचारी बिल्ला लगाई, छानबिनमा परेपछि,
हार गुहार गर्न थाल्यौ हैन हजुर वात लाग्यो ।

उतिबेला लोभ गर्यौ, धोक्नुसम्म धोकिहाल्यौ,
बल्ल आँखा खुल्यो जब अख्तियारको लात लाग्यो ।

त्यस्तै निलन कुमार महर्जन देशको वास्तविकतालाई यसरी छर्ल्ङयाउनुहुनछ

मेरो देश जिउँदै जलाईरहेको छ

लाखौं मलामीहरुको अगाडी
एउटा सिङ्गो देशलाई
अर्ध मरण मै………….
मण्डलेहरु मिलेर………….
पञ्चै बाजा बजाउँदै………….
रातो, सेतो र निलो
त्रिकोणात्मक कपडाको
कात्रो बनाई,
हरियो बाँसको दसनामा
सुताउँदै………….लेताउँदै………….
गरिब निमुखा र निर्दोष………….
देशवासीका रगतले सजाई
हत्यारा दमनकारी र निरंकुस
तानाशाही प्रतिगमनको
गन्धमय धुपौरो र्छर्दै………….
शान्ति र स्वतन्त्रताको नाउँमा
खोटो………….झुटो तिला र्छर्दै।।
मेरो देश नेपालको लास।।
नारायणहीटीको आर्यघाटमा
भलभलति जलिरहेको छ ………….
मेरो देश………….
अर्ध मरण मै………….
जिउँदै जलाईरहेको छ………….