माफि दिनुस् आमा मलाई

सगरमाथाको शीर झुकाई, सलामी गरिरहेछु
अन्जान कुनै मुसाफिरको, गुलामी गरिरहेछु ।

घर छाडि मुलुक पारि, सुख पाउने बाहानामा
दिन-रात खुन-पसिना, लगानी गरिरहेछु ।

हाँस्ने खेल्ने इच्छाहरु, थन्काएर कफनभित्र
मत प्रत्येक बिहान आफ्नै, मलामी गरिरहेछु ।

झुट बोलेको छैन मैले, वास्तबिकता सत्य छ
वीर सपुत गोर्खालीको, बदनामी गरिरहेछु ।

माफि दिनुस् आमा मलाई, बाध्यतानै यस्तै पर्‍यो
तिम्रो आत्मा मरुभूमिमा, लिलामी गरिरहेछु ।
विनित

देश भयंकर युद्धतर्फ
नेकपा -एमालेका महासचिव माधवकुमार नेपालले राजसंस्था शान्तिको पक्षमा नरहेको स्पष्ट भएको बताउनुभएको छ। राष्ट्रिय जनसांस्कृतिक मञ्च नेपालद्वारा मंगलबार आयोजित कार्यक्रममा उहा“ले रोल्पामा सेना पर्ठाई माओवादी र किसानहरूमाथि बर्बर दमन गरेर राज्यले माओवादीलाई युद्धमा ललकार्ने काम गरेको आरोप लगाउनुभयो। सत्ता सम्हालेर बसेकाहरूले नेपाली जनताको शान्तिको चाहनालाई निमोठ्ने कुचेष्टा गरेका छन्’, उहा“को भनाइ थियो- भयंकर युद्धतर्फदेशलाई लैजान निरंकुशतावादीहरूले षड्यन्त्र गरेका छन्।’ माओवादीले चारमहिने युद्धविराम भंग गर्नुमा राज्यपक्ष मात्र दोषी रहेको दोहोर्‍याउ“दै उहा“ले माओवादीलाई चिढयाएर युद्ध चर्काउन उनीहरूको ढाड भा“चिएको कुप्रचार गरिएको बताउनुभयो। हतियारको कमिसनबाट मालामाल हुन जनतालाई आतंकको अवस्थामा राखिराख्ने चालबाट मुक्त भई अब अन्तिम युद्ध लड्नुपर्ने उहा“ले बताउनुभयो। राजाको निरंकुशता र लोकतन्त्रको दुइवटा मात्र कित्ता रहेको उल्लेख गर्दै उहा“ले इतिहासले बा“की राखेका कामहरू अब सल्टाउनुपर्ने बताउनुभयो।

जेलका माओवादी नेता आमरण अनसनमा
सशस्त्र विदोही नेपाल कम्युनिष्ट पार्टी माओवादीका नेता मातृका यादव र अखिल क्रान्तिकारीका पूर्व उपाध्यक्ष कृष्ण केसी बुधबारदेखि जेलमै आमरण अनसन बस्ने भएका छन् ।
ललितपुरस्थित नख्खु कारागारमा बन्दी अवस्थामा रहेका दुबैले राज्यद्वारा बेपत्ता पारेका नागरिकहरुका सम्बन्धमा नागरिक समाजका तर्फाट छानवीन हुनुपर्ने माग गर्दै अनसन बस्न लागेका हुन । विदोही नेता सुरेश आलेमगरको संयोजकत्वमा नख्खु कारागारमा रहेका बन्दीहरुको संर्घष समितिको निर्णय अनुसार अनसन गर्न लागिएको बताइएको छ । माओवादीको आरोपमा दुइ वर्षघि गिरफ्तार गरी महाराजगंजस्थित भैरब नाथ गणमा केही समय राखेर ४७ जनालाई एकैसाथ बेपत्ता पारिएको आरोप माओवादीको छ । सैनिक हिरासतबाटै एकैसाथ बेपत्ता पारिएका अखिल क्रान्तिकारीका नेता ज्ञानेन्द्र त्रिपाठी, पूर्ण पौडेल लगायतको छानवीन संयुक्त राष्ट्रसंघीय उच्चायुक्तको कार्यालयले गर्नुपर्ने माग गर्दै आमरण अनसनमा बस्न लागेको बन्दीको अवस्था बुझ्न नख्खु कारागार पुगेको राष्ट्रिय मानव अधिकार आयोगको टोलीलाई व्रि्रोही नेता यादवले जानकारी गराएका छन । २०६० पुस भन्दा अघि समातिएका ४७ जना बन्दीलाई विभिन्न समयमा शिवपुरीको जंगलमा लगी सेनाले हत्या गरेको आरोप माओवादी पक्षले लगाउँदै आएको छ । कारागार ब्यवस्थापनसँग कारागारको सुधार र गैर न्यायिक हत्याको समेत छानवीन गर्नुपर्ने माग पनि अनसनमा बस्न लागेकाको माग हुने छ ।