बिस्थापितहरुको ब्यथा
नेपालमा द्वन्दबाट बिस्थापित मानिसहरु देश भित्रै बिर्सिएका नागरीक बन्न पुगेका छन्। भारत र अन्य मुलुकहरुमा भौंतारिन बाध्य भएका छन्। नेपालीहरु आफ्नै गाँउठाँउबाट विस्थापित हुन पुगेका छन्। आफ्नै देशभित्र शरणार्थीहरुको जस्तो अवस्थामा बाँच्न बाध्य भएका छन्। सरकारले गाँस, बास र कपासको व्यवस्था गर्न नसकेको उनीहरुको गुनासो छ। आफ्ना आमाबाबु द्वन्द्वमा मरिसकेकाले सयौं केटाकेटीहरु कलिलो उमेरमै विस्थापित जीवन विताउन बाध्य भएका छन्। राष्ट्र संघीय बाल कोषको एक अनुमान अनुसार कम्तीमा ३० हजार केटाकेटी आफ्नो घर परिवारबाट छुट्टिएर बलपूर्वक श्रममा सामेल हुन बाध्य भएका छन्। उनीहरु अस्वस्थ र कठिन परिस्थितिमा बाँचिरहेका छन्। सुरक्षाकर्मीहरुका कारण विस्थापित हुन पुगेकाहरुको अवस्था त झन् दयनीय भेटिन्छ। राज्यले नागरिकहरुप्रतिको आफ्नो कर्तव्य ईमानदारीका साथ निर्वाह गर्न नसकिरहेको गुनासो सुनिन्छ।