बेपत्ता छन् उनी
नेपालमा द्वन्दकै क्रममा हरेक दिन एक जना भन्दा बढी बेपत्ता हुने गरेको कुरा एक अध्ययनमा जनाइएको छ। द्वन्द्वको क्रममा मानवीय संवेदनशीलताको कमी स्पष्ट रूपमा देखिन थालेको छ। विश्वमा अरु राष्ट्रमा भन्दा नेपालमा बेपत्ता पारिएकाहरुको संख्या निक्कै बढ्दै गैराखेको नेपाल भ्रमण पछि राष्ट्रसंघको एक समूहको निष्कर्ष थियो। बेपत्ता पारिएको मानिस जीवित छ कि छैन भन्ने कुरामा द्विविधा हुँदा उसको परिवारका लागि त्यो भन्दा ठूलो यातना अरु केही हुन सक्दैन। उनीहरुले दिनरात मानसिक यातना भोगिरहेका हुन्छन्। यसरी बेपत्ता हुँदा एउटा मान्छे आफ्नो आफन्तको दृष्टिमा पलपल मरिरहन्छ, बाँचिरहन्छ अनि फेरी मरिरहन्छ। यो क्रम कहिले हुने हो साम्य ?