राजनीति र राजसंस्था
सिंगो नेपाल राष्ट्रमा शाहवंशीय राजतन्त्रले २ सय ३५ बर्षको शासन पार गर्दै गर्दा राजसंस्था अहिले ईतिहासकै एउटा कठिन मोडमा आईपुगेको छ। राजसंस्था र जनताबीचको सम्बन्धमा हालैका बर्षहरुमा धेरै नै उतारचढाव आएको पाईन्छ। पार्टी नेताहरु भन्छन्- राजतन्त्रको भविष्य जनताप्रतिको समर्पणमा आधारित हुन्छ र दलहरुसंगको सहकार्य पनि उत्तिकै महत्वपूर्ण हुन्छ। कार्यकारी अधिकार आफ्नो हातमा लिने र प्रत्यक्ष शासनभार आफैं ग्रहण गर्ने श्री ५ ज्ञानेन्द्रको निर्णयपछि राजसंस्था र राजनीतिक दलहरुबीचको शंकाको खाडल झन् फराकिलो बन्न पुगेको छ। यी कदमहरुलाई प्रमुख राजनीतिक दलहरुले सक्रिय राजतन्त्र पुन: ब्युंझिएको रुपमा हेरेका छन्। सक्रिय राजतन्त्र, संवैधानिक राजतन्त्र वा गणतन्त्र? देश कुन बाटोमा अघि बढ्दैछ?