मुलुक रणमैदानमा
अब मुलुक रणमैदानमा परिणत हुने पक्का छ । लर्डाईं सुरक्षाफौज र माओवादी जनसेनाबीच नै छेडिने छ। मुलुक रक्तपातको आहालतर्फधकेलिएकै बेलामा सेनाले युद्धलाई आफू अनुकूल बनाउन ‘ब्याक अप सपोर्ट’ का लागि दुइवटा हेलिकोप्टर ल्याउन लागेको छ । माओवादीको एकतर्फी युद्धविरामको मिति सकिएकै दिन पुस १७ गतेको ठीक एक महिनापछि माघ १७ गते ती हेलिकोप्टरहरु मुलुकमा भित्रनेछन् । कजाखस्तानबाट ल्याउन लागिएका सैनिक र युद्धसामग्री ओर्सार्न प्रयोग गरिने यी हेलिकोप्टरलाई एन्तोनोभ नामक कार्गो जहाजले काठमाडौंमा ओराल्ने छ । कजान प्लान्ट जेएससी ४२००५ मोडलका दुइ जहाजको मूल्य भने छयासी लाख डलर पक्का भइसकेको छ । एमआई १७ भी फाइभ मोडलका एकदम नया हेलिकोप्टर सामान ओसार-पसारका लागि बनाईएको हो ।
सेनाको लागि खरिद गरिने यी हेलिकोप्टरको प्रतितपत्र खोल्न रक्षा मन्त्रालयले गत हप्ता नै नेपाल राष्ट्रबैंकसमक्ष पठाइसकेको छ । सेनाको हौसला उच्च राख्न तत्कालै ल्याउन लागिएका हेलिकोप्टरका बारेमा नेपाली पक्षसंग कुराकानी अघि बढाउन कजाकका बाहिर देखिने दलालहरु तासी शर्ेपा र फुर्वा हुन् । सैनिक प्रयोजनकै लागि अरु थप दुइवटा हेलिकोप्टर पनि ल्याउने तयारी भइसकेको स्रोतले उल्लेख गरेको छ ।