परदेशमा वस्ने नेपालीप्रति समर्पित
केही भयो कि जस्तो लाग्छ भूइंमा पात खस्दा पनि
घरदेशकै माया लाग्छ परदेशमा बस्दा पनि
कस्तो भयो होला अचेल म हुर्केको गाउँ मेरो
साथी संगी लिंदा होलान कहिलेकांही नाउँ मेरो
मै फक्र्यो कि भन्दा होलान् गाउंमा कोही पस्दा पनि
घरदेशकै माया लाग्छ परदेशमा बस्दा पनि
परदेश बस्ने रहर हैन कहर मैले काटी रा’ छु
आँशु हाँसो जिन्दागीको सुख दु:ख साटी रा’ छु
भक्कानिन्छ मन मेरो जति सुकै कस्दा पनि
घरदेशकै माया लाग्छ परदेशमा बस्दा पनि
रमेश पौडेल
. . . .. . . . . . . . . .. . . . . . . . .