नवलपरासी भिडन्तमा तीन सुरक्षाकर्मी, कयौं माओवादी मारिए
पाल्पाको बहादुरपुर र नवलपरासीको मणिपुरको सिमामा पर्ने बिबिके इलाकामा भएको सुरक्षाफौज र विद्रोही माओवादी बीच भएको भिडन्तमा परि तीन सुरक्षाकर्मीको मृत्यु भएको छ । भिडन्त राती १२ बजे देखि विहान ४ बजेसम्म भएको बुझिएको छ । शाही नेपाली सेनाको जनसर्म्पर्क निर्देशनालयले माओवादीतर्फपनि ठूलो क्षति भएको छ, तर पूर्ण विवरण प्राप्त भइसकेको जनाएको छ ।
नवरपरासीको सुनौलमा सुरक्षाकर्मीमाथि आक्रमण गरेर भागेका माओवादीको खोजतलासको लागि गएको सुरक्षाफौज र माओवादी बीचमा त्यस इलाकामा भिडन्त भएको बताइएको छ । त्यस क्षेत्रमा अहिले पनि सेनाले हवाई र स्थल कारबाही गरिरहेको बुझिएको छ । सेनाको नाइटभिज हेलिकोप्टरले बिहान २ बजेदेखि भिडन्तस्थलमा गस्ती गरेको बताइएको छ । तर विद्रोही माओवादीले भने आफ्ना तर्फभएको क्षतीका बारे केही उल्लेख गरेको छैन ।