नासो
एकान्तमा क्षितिज पारी जिउनु पर्ने भयो आज
तिम्रो नासो आशु संगै पीउनु पर्ने भयो आज ।
तिमी मेरो समीप हुदा धर्ती सुन्दर स्वर्ग हुन्थ्यो ।
घायल मुस्कान, प्यासी नजर मुटु भित्र कति छुन्थ्यो ।
एक्लो जीवन कुहीरो पारी जिउनु पर्ने भयो आज
तिम्रो नासो आशु संगै पीउनु पर्ने भयो आज ।
तिमी बोल्दा फूलैफूलको प्यासी साउन वर्षाद हुन्थ्यो
पाएल झङ्कार, आशीक मिलन दिल भित्र कति चुम्थ्यो ।
कोरा जीवन बेथासंगै जिउनु पर्ने भयो आज
तिम्रो नासो आशु संगै पीउनु पर्ने भयो आज ।
Chandra Pun, KSA