डाउनटाउनको बूढो
थर थर काम्दै सुस्तरी
आयो डाउनटाउनको बुढो
चिसोले पटपट फुटेको छाला
खोच्याउदै हिँडछ घुँडो
पलाष्टिकको पोको हातले च्याप्दै
नसकेर रोकिदै लामो सास हाफ्दै
ठिंग उभियो थेगिएर बल्ल
के गरुँ कसो गरुँ भयो अलमल्ल
अन्डरग्राउन्ड तल रेल स्टेशन
एक्जष्ट फ्यानको बाहिर मेशिन
च्याप्प टाँसियो मेशिनको हावामा
सहारा त्यो सधैँ कठ्याङग्रीने जाडोमा
फुड स्ट्याम्प छ कि छैन त्यो सँग
काम गर्न खोजेन कि पाउँदै पाएन
अमेरीका जस्तो देशमानि दुबै हात पसार्ने
अलपत्र छ गन्हाएर विचरो भो मर्ने
फाट्ट फुट्ट देखिन्छन् उ जस्तै साथी
डङरé लड्छ दिउँसो होस् या राती
औषधी गर्न नसकी मन पो विग्रियो कि
बेकम्मा भै जमिन मै रही उ थेग्रियो कि